ممكن

قبل ما ننزل الاتتخابات ممكن نفتكر في الي دفعوا ثمن الانتخابات ديه حياتهم ممكن مانتفهش من الشباب عشان دول الي من غيرهم كان زمانك بتشحت و تشحت عيالك في عهد جمال مبارك و منتهى املك ان عمرو موسي يكن رئيس وزراء و بتدور لإبنك على واسطة شغل ولا قريب يقعد عنده لحد مايلاقي شغل بلد خليجي عشان يتجوز و يجيب شقة و ياكل و يشرب كويس مع ان ديه اساسيات و اتحولت لأحلام.

ممكن ماننساش الي ناموا في الميدان و مشهد الجري من الجمال و محمد محمود و ماسبيرو ممكن ماننساش خالد سعيد و مينا دانيال و جيكا و عماد عفت ممكن ماننساش حرارة و غيرهم الي مفكروش مرتين و هما بيجيبوا الحق ممكن ماننساش احباط كلمة مش هاتقدر و خليهم يتسلوا ممكن ممكن ماتنساش المجلس العسكري.

عايز ترقص بعد الانتخابات اجل الموضوع لما يرجع حق الي مات و لما ترجع الاحلام اساسيات و لما نبطل نعد الي ماتوا ونحط صورهم بشريطة سودة...ممكن نفضل على مواقفنا و نتمسك بإنسانيتنا في رفض اي عنف و نرفض مبدأ الابادة و نغير مفهوم ديكتاتورية النخبة...ممكن نتعلم نسمع بعض عشان احنا حقوقنا واحدة.

ممكن نفسنا يبقى اطول لأن الثورة مش حدث ديه حالة بتاخد سنين و المنتصر هو الابقى بأفكاره..ممكن تؤمن بقدراتك و تجهز نفسك انك تكون مطرح ما اخر احلامك هايكون.

ممكن نقف دقيقة حداد على قيم على وشك الانقراض و نبدأ توعية من حولنا...و قبل مانحكم على الناس نحط نفسنا مكانهم ممكن ماننشرش اخبار غير لما نتأكد منها و ممكن نركز في الشغل و مانتفهش من طموحات حد حتى لو كان طموحه الجواز من واحدة ولا شغلانة في شركة 

 ممكن تكون اجابتك على كلامي اكيد و احس ان لسه فيه امل او يكون ردك بالتهكم او المعارضة على كلامي وساعتها هايطول مشاور اقناعى ليك و املى في بلد احسن مش هايموت

رسالة من ساكن الكوكب

لم اكن اتصور انني قد امر مرة اخرى بذلك المسمي بالانجذاب ان اشعر بقرب ذلك الكوكب الذي قارب على العام و النصف و انا ساكنه الوحيد مقرراً الا ادور في فلك جديد لن يجذب امواجي قمر اخر و لن يعتمد على شموس يسعى الي نهارها طول الوقت دائراً حول الكوكب دون هدف محدد...لا استطيع ان اقر بما انا فيه فما انا فيه يشبه رؤية النهار بعد ركود في كهف حالك الظلام فما صارت عيني تميز اضواء من اثر ذلك النهار و لا تسئ فهمي فأنا كائن نهاري يجبر نفسه على ان يصبح العكس

صرت اهتدي بالنجوم في سماء صافية مراقباً تلك المجرات فأري كواكب على وشك الارتطام و كواكب تختفي وراء كواكب اخري و انا على سطح كوكب صافى لا يسكنه غيري احياناً اري كواكب تحاول الاقتراب و ربما يقررون البعد او ان يحتفظوا بشمسهم التي و بفعل جاذبيها تبعدهم بدورها عني عن كوكبي...كوكباً لا منتمي لا يرى في مجراتكم شمساً تصلح لسمائه...قد اكون منجذب لإعتيادي  على ظلمه ذلك الكهف او ان تكون تلك الشمس جاذبة بإختلافها....و من يعلم ربما انا مجرد من المدارات او ربما اصبح كويكباً او قمراً من اقماراً عديدة على وشك الانجذاب...و من يعلم قد اكون مجرة اخرة تدور  حول كوكبي

امضاء

ساكن كوكبي الوحيد

الولا حاجة

احياناً اشعر انني امتلك من الكلام ما يجعل الجميع يمل مني فانني بالتأكيد استطيع ان املأ مساحات من الوقت و كأنني معلق رياضي كمدحت شلبي الذي لطال ما مللت من رؤيته بالساعات اثناء مروري على القنوات الرياضية فانا بطبيعة الحال لست رياضي او كخطابات المعزول و التي كانت تتسم بالـ"ولا حاجة" فأنها لا تظهر كاريزما ولا توحي بالفخر من ان رئيسنا زعيم و قد خسرت مصر و المصريين ساعات في مشاهدة هذا البني ادم مع كامل احترامي لمحبيه و الذي ايضاً لطال ما بحثت عنهم حتى اعلم اين تلك الحكم التي يتم تداولها الان في ذكراه اعني اين كنتم ايام احتياجنا لكم قد مرت اياماً بتنا فيها دون فهم مضمون ما يقال و احتضنا المخدات من الم الشك في مدي فاعلية عقولنا في فهم تلك الـ"ولا حاجة" التي اودت ببلادنا الي حب اول حد يقولنا اننا نور عنيه

حالتي الان عظيمة فقد بدأ اليوم بشرب نسكافيه و محاولة عابرة لمذاكرة اعتقد ان دوي فشلها لن يجعلني احاول مرة اخرى اليوم اقرر النزول للكلية لتخليص بعض الاشياء العالقة و ورق كتير للسفر و اقرر ان اتغير في هذا اليوم و انهى ما تبقى لي من عمل فالفترة القادمة حيت اني سأكون عالقاً في امتحانات لا حصر لها فأذهب للشركة و ارى نفس ما أراه كل مرة....-لمراجعته ابدأ بقراءة روقان لكأنات على وشك الانقراض

 ها انا الان بعدما رأيت ما رأيت اجلس محاولاً ان اتعلم شيئاً جديد او ان اؤثر فيمن حولي و ان اكتب الاعلانات المتأخرة للشركات المسئول عنها

قد اصل وقد لا اصل ولكن الاكيد انني سأستمتع بكل خطوة في هذا الطريق وحيداً او امتلك صديق قد اكون من الكثيرين فأشعر مهم بالألفة او قد اكون نادراً فأشهر بالتمييز

شجرة محرمة

هي من تمتلك مئة حارس و الف سور هي من احاول ان اكون ظاهر و الكل منها قريب هي من لا يمكن وصفها فكيف لها ان توصف...صف لي الروح

ليست كأي شئ واضح ولها كل الوضوح هي من جعلتني اشكك في مدى انسانية باقي الكائنات ولو راسلتها اخشى ان تظن انني مثل من هم ظاهرون انها اسمى من توصف بكلمات حتى و ان كان ابن الملوح كاتباً فبنت العامري ليست اقل منها شأناً اعلم انها مقدمة بعيدة كل البعد عن عنوان المدونة و لكن اعلم ان من يفضل عمله لإستحالة وجودها و تفضيلي ان ابقى بعمل مشغول على ان ارافق كائن اقل سمواً منها قد تكون في اعين الكثيرين عادية التكوين او قد يعظم شأنها لدا البعض و لكني مازالت مصاب بالعمي من كلمات مازلت احاول ان اميز ملامح الجميع مازالت طبقات صوتها مغلقة لتلك الأذان مازلت لا ارتكب ذنباً برؤية امرأة اخرى فمن الصعب ان تجذب مرة اخرى لكواكب اصغر بإستحالة تغير المجرة للدوران حول شمس اخري

 اعلم انني حرمت كلماتي تحريم شجرة من الجنة قد لا اسعي لإمتلاكها و قد لا اسعى ان تكون..ولكن اثبات بأن خطواتي مازالت متردية مازلت امتلك احلاماً لابد له من التحقيق...و بعد فقدان الأمل تذكرت ان هنالك حلم اخر قد يغيب او قد يكون

لن احلم بأن امتلك الشجرة و لكن متمسك بأمل ان تدوم

خد الحكمة من شوبير

 للرد على اهم اسفسارات الناس الملحة

امتي ناوي تخس

يعني فالح تقولي الشغل اهم

يعني انت ناوي ماتتجوزش اصلاً 

ايوه ناوي تتجوز امتى

مين انت من ابن رشد

الي مش عاجبه حاجة يعمل حاجة احسن منها الي مش لاقي مثل اعلى ليه يكون هو مثل اعلى للناس التانية الي عايز يغير حاجة في البلد يخططلها و هاتوصل هاتوصل مهما كانت بلدنا تقرف...لا الهجرة و لا المقاطعة و لا نفسك القصير عمره كان حل.

يا جماعة ابن رشد اتحرق علمه قدامه و مبطلش كتابة ولا قرر يروح اعارة لبلاد الفرنجة في عصور التنوير.

استسلام جزئي

اضطر احياناً للرضوخ لذلك الانسان الذي مازال يمتلك بعض المشاعر التي تصنف بالرفض ضمن اختياراتي بعض من الحس يبقيني على قيد الحياة مستطيعاً ان اعجب بأحدهم و ربما اتصور فكرة قد اقدمها لمن يقع عليه الاختيار المتأخر يفصلني عن ذلك الشخص الذي بداخلي احداث و شخصيات و معتقدات كونتها اختيارات خاطئة

اليوم تحدثت الى صديق و عجبت عندما تحدثت اليه من كم ما فعلت في سنين مضت بالرغم انني ازعم انني لم امتلك من التجارب ما يجعلني اتجرأ سردها اؤمن بكوني سأكون.....فلا امتلك ما اخسر و لن انوي الانسحاب حتي القى وجه كريم...تحدثي الى هذا الصديق جعلنى اتذكر شعور راودني من اعوام و قررت التمسك به حتى اعرف نهاية ذلك الشعور و كان شعور بالتساؤل أمتلك يوماً ما اخاف فقدانه و قد تمسكت لأعوام بهذا التساؤل على ان تعلمني الاعوام اجابته و قد كان و لكني قدر خوفي ان افقد ذلك الشئ قد فقدته

عليك ان تعلم انك تولد في هذه الحياة لا تمتلك اي شئ فتحاول و تسعى للإمتلاك و قد تصبح انت ملكاً لشخص او فكرة او حلم و تصدق وهم اللإمتلاك متناسياً به ما ولدت عليه و كأنك ولدت لتبقى خالد ولكنك ستموت و ترحل بلا اي ممتلكات تعلم الا تخشى الخسارة لأنك لا تجازف بما تمتلك فلو خفت يوماً من خسارة الشئ فإنك بالفعل قد خسرته و امتلاكك له مسألة وقت قد تطول و لكنها حتماً ستنتهي

 الان اؤمن الا امتلك ما احب قدر تصديقي عدم احتمالية خسارته فاذا خقت ان تخسر يوماً من الايام اجعل ذلك اليوم البارحة فلا خسارة تطوي حياة و لا انت ضعيف لتموت بعد كل خسارة...عش للأمل الجديد و اثبت لنفسك انك تستطيع النهوض و اعلم ان اعظم اعدائك هو انت لأنه يعلم متى تقع و لا تستطيع النهوض فاجئ نفسك بذلك العند الذي يدفعك و يقنعك انك تستطيع استقبال سقوط اقوي مستعد لدفعة اكثر قوة تحتمل نهوض اسرع و اعلم ان لحظة استسلامك هي تلك اللحظة التي لا تستطيع النهوض ذلك الوعى الذي يفقد و صفير الانذار التي تنطلق لتدوي اذنك ما هي الا تنبيه انك تحتمل المزيد

روقان لكائنات على وشك الانقراض

ما نكرش ان الحياة سينجل في بلدنا شبه الي دخل يلعب لوحده في محل بلاستيشن بس سيبك انت كفاية راحة البال و انك محدش مدايقك و سعادتك مش متعلقة بسبب او بني ادم....شوية حاجات بتعكنن على الواحد من كلام الناس الي ملهمش لازمة على شوية قرف من اليوم و سطحية اراء الناس و تشوه منطقهم الي بيجبرك تحط سماعات في ودنك  طول الوقت و تقرر ماتسمعش لأصحابك...لأنهم اصبحوا مع الوقت لهم نصيب في نفس التشوه الذي يعانيه المجتمع

وصلت البيت فتحت الساوند كلاود و شغلت الاغاني الي بتنضف القرف الي بسمعه في اي داهية بروحها و قررت اني اتفرج على فيلم جديد و اتفرجت على فيلم هاتولي راجل فيلم عاجبني جداً وبجد مش متُصور ازاي قدر الناس دي كلها تتجمع في فيلم بالسيناريو ده و ميضحكوش في كل لقطة منه

ده كله عشان اظبت دماغي و اعرف اشتغل و قررت اكتب مقالة النهاردة عن الاعجاب...وده درس اتعلمته انك تكون مركز في شغلك و شغلك بس عشان ده الي بيعمل منك بني ادم....و بعد ده كله لو عجبتك بني ادمه ابعد عنها....مستغرب لا انا بكلم بجد ابعد و اهرب و اختفي لأنك مش هاينفع تركز في اي حاجة مع شغلك فكك من الي هاينصحك بعكس كده و راجع اختيارته وصلته لفين و خليني اقولك الجملة الساذجة التي كانت تستخدم لإقناع الاطفال بوظيفة معينة انطلاقاً من انك هاتبفى زي عمو..ها يا سيدي نفسك تبقى زي عمو الي اصلا و هو بينصحك مزوغ من مراته كام ساعة و هتلاقيه بيحاسِبلك اليوم ده في القهوة عشان تقول لمراته انك كنت في القسم عشان خناقة مع ضابط لو اتسألت عن حالك بعد كده

بلاش نقلب المواجع و نكلم عن كيفية اختيار الراجل لفتاة احلامة بمناطق معينة امعاناً في سطحيته او اختيارها ليه شيك و معاه عربية و موبايله و عيلته انطلاقاً من انه جاهز و قادر يشيل...اعيش في وطن يستحق فيه كلاً منا ان يتعايش مع الاخر...ولا تصدقني فمن المؤكد ان بي ما يجعلني جديراً في التعايش مع حقيقة اننا نستاهل بعض.

كما انني اعاني من مشكلة مع الثقة في النفس ولا اعلم لها حلاً بالرغم من اختياراتي او عملي الذي يثبت انني اصلح ان اكون خطوط اولي لصورة شخص هام في المستقبل و لكي افقد كل تلك الثقة و افتقد اليها كم اتمني ان ارجع لتلك الثقة التي كانت ترتقي للغرور..

عموماً اود ان اذكرك ياللي بتقرأ اننا اتعملنا من مادة تانية نادرة صعب تتكرر...احنا الي بنشوف الحل و المشكلة بتحصل احنا الي رافضين القيادة و مجبرين عليها احنا صناع الالوان في وطن قارب على اسوء حالات عمى الالوان...احنا الي مش عاجبنا الحلو لأننا عايزين الاحلى احنا الي لسه بندور على المدينة الفاضلة في وطن يسعي لحضور عكسها في حفلات كايرو زووم...احنا الي اوشكنا على الانقراض.

تخاريف

التغيير....اغرب حاجة بنشوفها في حياتا التغيير...و الغريبة اننا مش بنقدر نغير نفسنا بس بنتغير و مش بنقدر نغير الناس بس ماننكرش انهم بيتغيروا النهاردة شوفت اختيارات قديمة عملتها ضحكت و حسيته امبارح و من كتر اختلاف طريقة تفكيري نسيت اني الي كنت عامل الاختيارات ديه...بنكر نفسي منها لأنها مش شبهي و مقدرش انسي انها اتعملت لأنها وصلتني للي انا فيه دلوقتي

اتعلمت حاجة مهمة بعد كل وقعة بيجي درس مدفوع ثمنه....انسي الناس و انسى ثمنه بس ماتنساش الي اتعلمته لأنك ساعتها هاتدفع ثمن مختلف بوقوع اصعب عشان تتعلم نفس الدرس.

في انتظار الرئيس

انا عايز اوصلك حاجة عزيزي المقاطع او المبطل لصوتك

اولاً احنا قاطعنا استفتاء الدستور بتاع مرسي و الدستور و قبله انتخابات مجلس الشورى و رغم قلة عدد الي نزل اجبرنا على الاعتراف بالنتيجة....الي قاطع وقت مرسي و شفيق صدقني مافرقتش ولا مقاطعتك قللت من شرعية الي بيكسب لأننا في مصر مش مهم كام نزل المهم مين اكتر...بلدك ماشية كده.

اما بالنسبة لإبطال الصوت فصدقوني فكرة الابطال غير مؤثرة تماماً عشان في الاخر بيقولك مثلاً كسب في انتخابات شارك فيها العدد ده كله يبقى هو كده تمام كنوع من التباهي مع انه عامل غير مؤثر زي ماقلت...

طب و الحل ايه.

اختار الاقربلك مش معترف بالي بتسميه انقلاب صدقني مقاطعتك و كلامك على انك هاتهاجر و تسيب البلد مش هايأثر في حد لا انت اغلى على البلد من زويل و الباز ولا المصري بيثبت نفسه في اي حته..فكر تاني و اختار المتناسب مع افكارك 

سواء كنت عايز فيه انه:

-لا يمتلك اي خلفية عسكرية

-مدني و له ميول ثورية

-فلول و عايز الاستقرار

-كيوت و بيدلع الشعب

-ناصري او رأس مالي 

-عالماني شيوعي 

و افتكر ان مش معني ان السيسي فيه ناس شايفاه وزير دفاع كويس يبقي لازم يكون مناسب للمرحلة زي تشرشل الي انهى مدة حكمه و غيروه عشان مش مناسب للمرحلة برغم انتصاره في الحرب العالمية الثانية.

و اعرف ان الي اقام اقوي اقتصاد في البرازيل كان ماسح احذية

عدوى العمى

ما بين اصناف النساء لسطح هذا الكوكب وجدتك انت لست الاكثر انوثة انما الاكثر اختلافاً و اني لأحتسب اول ايام رؤيتك هو اول ايام تحدثك فقط رأيتك فيك ما لا رأيت من قبل...تمرد لما اراه الا في شخص نادر إعتدت ان اراه من قبل كنت اتحدث اليه بالساعات و احس معه بالامان فمهما كان...هو على استعداد ان يؤذي اي انسان يحاول تعكير صفوي كان متمرد مثلك لطال ما كانت قرارته المتسرعة محط انظار الجميع كم اتمنى ان تريه من قبل اعتقد انك كنت ستسعدين بالجلوس معه لساعات كما كنت افعل ستضحكين على نكاته مهما كانت بارده فلن اجد احداً يشبهه في تخيل احداث اي انسان اخر و توقع مستقبله كان منطلقاً طوال الوقت و لا يتحمل جملة لا تستطيع..

اتذكر الان متى رأيتك من قبل..مؤكد انك قلتي شيئاً من كلماته ذكرني به...كم اتمني ان يعود حتى اقدمه اليكي...املاً الا تكون تلك المقابلة حدثت من قبل ازمنة عدة...قد تكوني قابلتيه في العصور الوسطى او قبل فجر التاريخ ربما...في الحقيقة لا اتذكر اخر ايام رؤيتي اليه ففي اواخر ايام اختفائه لم نكن على وفاق فقد كانت افكاري و اسلوب حياتي مختلفين عن الان و ذلك ما لم يعجبه قط قد تتعجبين الان مدى تداخلنا كلاً في حياة الاخر...و سأزيد ذلك الذهول بأنه اول من كان يعلم بما مررت به من ايام صعبة و كان اقرب اصدقائي وقتها ناسياً كل ما مررنا به و اهمالي لتلك الصداقة فيما مضى....مما جعلني اشعر بالضيق من نفسي بعدها و اصبحت كارهاً لكل ما كنت عليه محاولاً ان اكون شبهاً له اعدك بأنني عندما اراه سأتحدث عنك اتحدث....عن الفتاة التي اصابتني بالعمى عن بقية سكان الارض بحديثها فقط..و كأنها عدوي

حاكياً لذلك الذي يشبهك....لي قبل ان اتغير

دكر

بتضايق جداً و بحس بالغرابة لما بفتكر انا كنت عامل ازاي...فكر فيها كده و انت بتشوف صور زمان هاتلاقي انك ازاي كنت عامل كده انا مع الوقت حسيت ان التغيير خد حقه بزيادة يعني لو رجع بيا الزمن ممكن اكلني قلمين على شوية حاجات حصلت او مواقف كان لازم يكون رد فعلى احسن فيها على عكس معظم مجتمعنا الي شايف انه عمره ما يندم على حاجة و ان اختياراته كانت قوية و صحيحة كفاية انها تخليه على ما عليه و ثقته ده بتحسسك انك عايز تاكله نفس القلمين من غير ماترجع لماضيه و غالباً نفس الناس الجامدة فشخ ديه هما هما الي عيبهم انهم طيبين....طب و انا ازاي اسمع لواحد شايف الطيبة عيب و الي يقولك انا عارف اكتر منك طب ما تسيب غيرك يعرف بطريقته...الحقيقة في الحبة الصغيرين الي عشتهم اتعلمت ان الي اهم من النصيحة نفسها توقيتها ماتنصحش حد مش جاهز يتنصح لأنه هايعملك معاملة الي بيوزع فلوس في الشارع هايخاف منك و مش بعيد يشوفك مختل لأنك بتنصحه

طب سيبك من كل ده انا واحد مؤمن بحقوق المرأة و ضد طريقة طلبها لأنهم بيطلبوا و هما مش عايزينها و حتى لو خدوها هايطالبوا بحقوق الراجل...هاتفضل الست بجميع صورها لغز غريب يعني مقاييسهم في حد ذاتها مشوهة راجع معايا كام واحدة حلوة في حياتك شوفتها ماشية مع واحد لو شبهت عليه هايكون عشان سبتك في حتة او شوفتو بيشم كله ورا بيتكم...اعاني كل يوم في الطريق من شغلى و هو ادام سيتي ستارز لحد مكرم عبيد من مسافة لا تزيد عن خمس دقائق مشي ما قد يجعلني اغض البصر بقية اليوم من الاشكال الضالة من "الكوبلز" و هي لازم تتكتب كده و اعتقد اني بالناس ديه عرفت مين المقصور بنداء اي دي جي في فرح كسر عليهم املاً انه يرقص و غالباً بتنتهي الرقصة بخطوات البطريق او قلبان الوش بمناسبة رجليها الي اتفرمت من واحد غشيم

بس سيبك من كل ده كفاية سعادتهم البسيطة ببعض و كفاية احساسها بالامان انطلاقاً من مبدأ عمر ما حد هايسبتهم لأن معظمهم اصحابه او مين هايعاكسها و هي رابطة حجابها ربطة الفضائيين...

i'm not okey

Dear friend,
after thinking about your opinion...i just wanted to share some thoughts,maybe it's hard for me to say
but i have to say it loudly,
you don't have to break my confidence i mean it's broken already
you don't have to prove that am not good enough...i have a problem convincing myself that am not that bad
you don't have to say that my work is my only advantage...that what made me think that "el sho3'l aham" from the first place
i appreciate that you are listening to me when my crazy character shows up.
maybe one day i will prove that am more that what you are estimating....maybe you under-estimated me.
but am sure that i will end up alone....so please stop reminding me of what i already know.

yours,,
me

كلاكيت تاني مرة

في الشغل و حالة تنتابني من الفقر الابداعي و خمول كامل عن كل شئ و كأنه أمر من العالم لتجربة شئ جديد في الشغل و السماعات في ودني و عليت الصوت على امل ان تزهق اصواتها ذلك التشتيت ليعود ماكان و ابدأ من جديد...لم تصبني تلك الحالة منذ فترة و السبب فيها اعتقد الشغل  أو معرفش ايه سببها 

مش متأكد اني مش عارف او عارف و بتجاهل التغيير ده 

عليت صوت الاغنية و ببساطة قررت اغني معاها

ماذا أقول لها، تحيّا على رَمقي
أفراحُها لم تعشْ إلّا على الحَرِقِ
الموتُ راوَدها دَهراً وغافلها
واقتصّ آثارها في آخرِ الأُفقِ
أين المفرُّ، قبورٌ لا قرارَ لها
تقفوا خطاكِ مسيرَ الدربِ فارتفقي
راحتْ وما كتبتْ حرفاً لصاحبةٍ
غابتْ وما تعبَتْ من غُربَةِ السُفن

فتح كلام..!!

مش عارف هو انا ليه تايه و ليه مش بنجز في حالة من الاكتئاب الغريب و ايه الجديد يعني الي يسر النفس بكل الي بيحصل لا ابتديت مذاكرة ولا خلصت الشغل فتحت التليفزيون لقيت السيسي عامل لقاء مع 25 صحفي حسيت بالعجز زي اي مصري لما مقدروش عليه و لما فتحت اسمع اغاني لقيت اغنية اسمها كنت سأنجب منك قبيلة قفلتلي اليوم و هي بادئة الاغنية بوشوشة تقولو فيها نفس اسم الاغنية قفلتها و هي ماسكة رجليه و بتحلف تغسلها سيبك من القرف و مدي تساؤلي عن ذنبي في اني اعرف تفصيلة زي ديه

فتحت بابتسم ليسرا الهواري عشان وداني تنسى العلاقة الغير سوية الي سمعتها في الاغنية الي فاتت....وقررت اعمل حاجة في حياتي و قررت اني اكتب

 حاجة جديدة على النت و برغم ان القرار متأخر واني في اقل الاوقات الي حاسس اني عايز اكتب فيها ابتديت

بس ايه ده هاقول ايه يعني انا مفيش حاجة في دماغي الا التوهان عشان شوية الحاجات الكتير الي عليا يمكن ميكونش لكلامي اي ثلاثين لازمة بس من منطلق ان هي جت عليا و الجو ده قررت اكون الشخص الي هاتقرا كلامة زي ملايين مالمصريين الي بيهتكوا معظم خصوصياتك بداية من الراجل الي بيسألك عن نوع الموبايل في الميكروباص مروراً بصاحبك الي لازم يعرف مين الي اتصل بيك و انت قاعد معاه انتهاءاً بواحد مركز مع كلامك في اي حاجة بتكتبها على النت جوه قهوة...و اعتقد الى روج للموضوع ده اعلانات موبينيل الي دايماَ بتشجعنا اننا لازم نكون مع بعض و بحتاجلك و تحتاجني بس محدش اتفق معايا اني اتعامل او ابقي مع ناس فيهم كل العبر ديه لمجرد ان شايلانا نفس الارض و لو المشكلة كده هو احنا ليه مالعبناش عالأرض الاول
و بحالة الاكتئاب الي زي الزفت ديه قررت انهاء اول حاجة تتكتب كفتح كلام