النهاردة بعترف..عندي مشكلة الفترة الي فاتت ابتديت اتعلم من نفسي علشان مش عايز اتعلم من غيري ويكون نجاحي شبه ناس تانية لإقتناعى ان انت مختلف عن اي حد و ده بيكسر فكرة المثل الاعلى المطلق و يخلق نوع من التعددية في فكرة القدوة يعني ممكن يكون مثلك الاعلى في الدراسة حد و في الجوانب الاجتماعية حد تاني تماماً
عموماً نرجع للمشكلة الرئيسية فكرة المشكلة و تعريفها هي تغيير في توقعاتك سببلك ازمة في تخيل اي طريق للخروج من الحالة الجديدة و ده الي بيدي فرصة اكبر لأي حد برة المشكلة انك يطلع حلول بشكل احسن لأنك صعب تشوف كذا زاوية لصورة انت فيها الا لو فصلت نفسك و بصيت ليها من بره...طيب ماتكون صريح و قول ببساطة انك غلط...طيب لو اعترفت بغلطك فرق ايه و انت مش عارف تشوف الحل...افهم ان حل المشكلة تبدأ لما تكون عايز تحلها مش تمسك فيها و تعلن فشلك في حلها لأنك ممكن تكون شايف المشكلة و عندك امكانية حلها و ماتحلهاش لإقتناعك ان هتواجهك مشكلة اصعب في حلها...حل اي مشكلة مش في الناس حلها في الزاوية الي انت شايف بيها الصورة مش اكتر...ببساطة يأسك ممكن يكون قبل بداية النجاح بيوم
انت مميز مش مكرر كائن مميز بالثورة و الابداع كاره للتكرار لا يمكن جمعه مع قطيع او اجتماعهم على صفة سوى النسيان..قررت ان حل المشكلة مش في التراجع ولا الاستبدال و قررت اتبع مبدأ اجبار نفسي على التجربة و مش هافشل الا لو قررت الفشل او كان جزء من خطة لنجاح اكبر
No comments:
Post a Comment