نقطة رجوع

(تقرير الوصول لأول نقطة رجوع)

الحقيقة مش عارف ابتدي منين...الايام الي فاتت منعت نفسي من اني اكتب اي حاجة لأني كنت دايماً بشوف ان الدرس ماخلصش عشان يتكتب ليه ملخص...و معني كتابتي دلوقتي مش اثبات انتهائه و لكنه ملل الانتظار و امعان في كسر دائرة التوقع و كأنه صيام النص يوم في اقصي شطحات فكر إمام مستنير

لن استطيع ان اسرد الكثير من الاحداث بقدر ما احاول كتابة الاستنتاج و هي ببساطة اتعلم تعمل نقطة رجوع...و تعريفها تفصيل لحالتك في كل حاجة قبل كل تغيير جذري في حياتك عشان لما تقع تعرف طريق رجوعك منين...احلامك طريقة تفكيرك و مبادئك على اقل تقدير فلا سيطرة على راجل يحب قد صار لا حرج عليه ففي بلادنا من يتخد هذا الدرب مصاب بأشد حالات الهزيان لإقتناعه بأن النهايات التعيسة قصص لم تكتمل بعد و بما انه شر لابد منه فدعني اقتبس بعض نصائح نزار قباني لما قال في اللقاء الاول لا تضع عطراً تحبه ولا تسمع اغنية تتذكرها ولا تتعلق بمكان او تشعر بتميزه ولا تسأل عن السبب.

انت مصمم لأسباب كتير منها متعلق بيك و منها متعلق فيك...يعني انت ممكن تكون سبب لصلاح او لخراب كلنا بنكمل منظومة تشبه الامتحان...و لو منزعج من فكرة الامتحان احب اعرفك انه مش امتحان بالمعني التقليدي احنا مش بندخل في معاد معين و خروجنا مش في ميعاد واحد الا لو حصلت حاجة تؤدي لده...كلنا بنجاوب اجابات مختلفة من كتب مختلفة...و الي بتمتحن فيه بتتعلمه و انت جوه الامتحان نسبة الصح و الغلط نسبية في الورقة...ناس كتير مننا بتغش وناسيين ان حتي المراقبة نتيجتها مش معروفة و اجابتك لازم تكون ليها مبرر مش عشان تثبت انك بتعرف تبرر بس و لكن كقياس لمدي اقتناعك بالإجابة

فكرة حبك لشخص معين و الناس حباه ده شئ كويس بس عشان تحب حد محبوب من الناس كلها لازم تكون ظاهر قدامه على اقل تقدير احنا عايشين في مجتمع يعاني من اصعب حالات الانفصام بزعمه و تحمسه لفكرة المجتمع المتدين و التي افضل ان يقال مجتمع محافظ فهي اكثر واقعية مجتمع يبرر لك غرورك و يحتقر تواضعك في معظم الاحيان مجتمع قرر يثبت لك انه اذا اصاب حريق في حمام مغربي سيهرول خارجه دون وجود مايستره امعاناً في ان الي اختشوا ماتوا مجتمع خصب لولادة من قال ايه الي واداها هناك و عباية كلاسين و يبرر القتل لأن لازم يكون للباشا هيبة و يبرر للمتحرش الكبت خالقاً مسخ ترفض ادني مجموعات اكلى لحوم البشر تناوله في سنواتهم العجاف...فكيف لك ان تحب دون ان تغير اين هي رسالتك حتى تراك و ترى مستقبل مختلف عن سنوات يملأها الروتين ببساطة من انت فما الرجل بشكله ولا اهله ولا دراسته التى غالباً تم انتقائها من نفس الاهل تكلم حتى تراك اولاً اصنع اختيارات تصنع منك حد عدل محبوب بشكل او بأخر اصنع فرصتك في الظهور و ماتخفش من الوقوع لأنك هاتحاول ساعتها ترجع لنقطة رجوعك الاخيرة

(نقطة رجوع 2 )