كُل عيش

باسم يوسف اتوقف و انتهى اخر مكسب للثورة و اتعلمنا مع نهايته ان الجولة الاولى مش لينا و شلنا غلطة سيب الميدان بعد التنحي و صبحت من ميزة عدم وجود قائد لإحتواء الجميع الف عيبة و عيبة من مطالب فردية و صراع الوصول و بلد اتشغلنا على حكمها من بنائها و لو مستغرب راجع مواقفك و انت متصور جنب دبابة وصور الي كانت اسمها ثورة و خون الى ناموا و عظمت منهم و سمعت منهم و اتهمهم بفشل الاخوان و فسرت تفضيلهم ليه على مرشح الفلول مؤامرة و ادهن حيطان الجرافيتي بأحسن ألوانك و قرر مصير ثورة جديدة قامت لتصحيح الي عملناه...قول علينا ولادك و شوف مستقبلنا بنظارتك و رتب احداث حياتنا بجدول دفاترك خلينا نشوفك بتبني بلادنا و هانساعدك لو اصلحت و هانموت في اعتراضك لو قسمت بينا او موت الأمل فينا او استهونت بقوتنا احنا الي عشنا بلا انتماء احنا الكتير الي استهواهم غاز قنابلك و كبيرنا كفيف راحت بصيرته برصاص عساكرك و لو برصاص غيرك انا لسه عند كلمتى و هاقبل واجب عزاء البصيرة ويا الي ماتوا جنبنا...لا انا ضدك ولا ضد الجميع واقوي اسلحتي اني مش خايف لا منك ولا من غيرك...غيرك كبَر على موتي و شتم و فرق و هرب من باب وراني من قلب قصره الكبير

لا انا الي بيخرب ولا تابع ولا انفع جوه نظام انا الداعم و العدد و الصوت الي بيقول كله في مكانه انا الغير ممثل و من 2% الي نزلت تنتخب المنافس وقرر قبول الرأي التاني رغم عدم اقتناعي بيهم...انا الي بذاكر كلام كتب مش مقتنع بيه عشان انجح و اخد شهادة و اشتغل حاجة مالهاش علاقة بالي درستوا و اسعى في توعية الناس و الى مؤمن بقوة وحدتنا رغم اختلافنا و الي شايف صخرة تيتانيك و الكل بيكذبني و المحبط الي بيقنع الناس مايسيبوش البلد و ان لسه فيه أمل 

و ان كان على باسم يوسف و انتهاء البرنامج ماتقلقش باسم رجع وسطنا و فينا الف باسم على وشك الظهور و تخوين الكل لو صنعة اعرف اننا اكتر جيل شرف البلد من العلماء و واضح علينا عدم القبول بأي بديل 

اما ان تصلح او يتم استبدالك واما بالنسبة لتخوينك فلنا قائمة سوداء لا تمحى من الذاكرة